2 ‘pulis’ ipinakulong ng 2 babaeng call center agent
Mga biktima kinasahan ng baril
MANILA, Philippines — Himas rehas ang dalawang lalaki matapos ireklamo ng dalawang call center agent na kanilang pinakitaan at kinasahan ng baril sa isang bar sa Quezon City.
Sa report na tinanggap ni Holy Spirit Station 14 Station Commander PLtCol. Wilfredo Fabros, binitbit ng mga pulis ang dalawang suspek nang humingi ng tulong ang dalawang babaeng biktima na nakasabay ng mga ito sa bar noong Biyernes.
Posibleng hindi umano alam ng dalawang suspek ang kanilang ginawa nang maglabas ng baril at kasahan ang dalawang biktima dala ng matinding kalasingan.
Agad na humingi ng tulong ang mga biktima sa nagpapatrolyang pulis kaya sinita ang mga suspek. Tinanong ng mga awtoridad ang dalawa kung tunay na pulis sila at wala naman maipakitang katibayan.
Nakuha sa mga ito ang dalawang hindi lisensyadong baril at mga magazine habang mahaharap sa mga reklamong usurpation of authority, grave threat at illegal possession of firearms.
- Latest
