Abogado ng 18 ‘maleta boys’ pinadadakip ng Makati court
MANILA, Philippines — Pinadadakip ng Makati City Regional Trial Court si Levito “Levi” Baligod kaugnay sa dalawang kaso ng cyberlibel matapos na maglabas ng warrant of arrest na may petsang Hunyo 15, 2026.
Si Makati RTC Branch 148, Acting presiding Judge Antonio Ray Abelardo Ortiguera ang naglabas ng warrant of arrest sa kasong two counts sa Section 4(c)(4) ng Cybercrime Prevention Act at may inirekomendang P20,000.00 piyansa sa bawat bilang.
Ayon sa Facebook post ni Baligod, nitong Lunes, Hulyo 13, nang matanggap niya ang kopya ng warrant of arrest at iginiit niya na napagkaitan siya ng pagkakataong sagutin ang alegasyon dahil sa hindi tamang address na ibinigay sa prosecutor’s office.
“I only received a copy of the warrant of arrest today. This case filed by Agriculture Secretary Francisco Tiu Laurel Jr. pushed through because the wrong address was deliberately provided to the prosecutor’s office, so I did not receive a subpoena and was unable to submit a counter-affidavit. They don’t want to fight fair, haha,” ani Baligod sa FB post.
Si Baligod ang tumatayong abogado ng 18 “maleta boys ”na nagpakilalang dating bodyguards ni dating Ako Bicol Partylist Zaldy Co na pinaghahanap ng batas kaugnay sa maanomalyang flood control projects.
- Latest
