Gustong apilon og bahin ang gidonar na nga basakan
Dear Atty. Divine,
Ang akong igsuon nga dalagang guwang namatay na. Duna siya'y farm lands nga gibilin. Apan ang iyang basakan iyang gi-donate nako sa dihang buhi pa siya kay ako may nag-atiman niya sa dihang siya nagsakit. Gani nabalhin na kini sa akong pangan ang title sa maong basakan. Apan pagkamatay sa akong igsuon, ang akong manghud mi-demand man nga iapil namo og bahin ang basakan. Ang akong pangutana kun legal ba ang pagdonar sa akong igsuon ngari nako sa iyang basakan? Maka-demand ba ang akong mga igsuon og share sa basakan nga gihatag na diri nako sa akong igsuon? Daghang salamat
Krista
* * *
Dear Krista,
Basi sa Article 1003 sa atong Civil Code kini nagkanayon nga kun way compulsory heirs ang namatay ug way gibilin nga Last Will and Testament then ang iyang mga igsuon maoy maka inherit niini in equal share basi sa Art. 1004. Apan kanang basakan nga iyang gi-donate kanimo ug na-transfer na gani sa imong pangan di na sila makapanghilabot niana. Kining Collation nga gilatid sa Article 1061 sa atong Civil Code mahitabo lang kana kun adunay compulsory heirs ang namatay nga diin tanang property nga iyang gidonar ilakip gyud sa pagkwenta ini’g binahinay sa tanan niyang mga compulsory heirs sama sa mga anak og surviving spouse. Apan sa kaso sa imong igsuon wa man siyay compulsory heirs, so ang mamahimo ninyong bahinon in equal share kadto nalang farmland nga nahibilin ug wa nay labot ang basakan nga iya nang gihatag kanimo. Thank you and God bless. -- Atty. Divine
* * *
Alang sa inyong pangutana, palihug lang sa pag email sa email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo
- Latest
