Papel ni Robin sa Bato escape

Mainit na usapin ngayon ang pahayag ng Department of Justice na kanilang pinag-aaralan ang pananagutan ni Sen. Robinhood Padilla sa pagtakas ni Sen. Ronald “Bato” dela Rosa mula sa Senado.

Para sa taumbayan, kung ang mga jeepney driver ay agad na hinuhuli sa paglabag sa trapiko, bakit tila may kalabuan kapag senador ang sangkot? Kung si Robin ay makakalusot, anong mensahe ang ipinapaabot nito sa bayan? Sa social media, trending ang hashtag na #PantayPantaySaBatas, na nagpapakita ng public sentiment na hindi dapat magkaroon ng espesyal na trato ang mga makapangyarihan.

Ang usapin ay hindi lamang tungkol sa pagtakas ni Bato, kundi sa tiwala ng publiko sa hustisya. Kung mapatunayang may pananagutan si Padilla, maaaring humantong ito sa kasong “obstruction of justice” o “accessory to escape” na isang mabigat na dagok sa kanyang reputasyon. Ngunit kung wala, kailangang ipaliwanag ng DOJ nang malinaw upang hindi magdulot ng mas malalim na pagdududa.

Panahon na para bantayan ng publiko ang DOJ at Senado. Ang imbestigasyon ay dapat maging malinaw, walang bahid ng pamumulitika, at nakatuon sa katotohanan. Kung may kasalanan, harapin. Kung wala, ipaliwanag.

Ang taumbayan ay may karapatang maningil ng trans­parency at accountability dahil ang tunay na tanong ay hindi lang kung tumakas si Bato, kundi kung tatakas din ang hustisya.