Mga pahimangno sa akong mga parokyano

Dili pa lang dugay, dunay mga tawo, babaye ug lalaki, nga nagsuroysuroy sulod sa teritoryo sa among Parokya sa Buanoy, Balamban nga nagsangyaw mahitungod sa kaluwasan.

Usa sa ilang kaubanan ang akong gipangutana kun unsay ilang pagtulon-an. Igo lang siyang nagkanayon og: “kaluwasan” kay unsay mahitungod sa kaluwasan? Dili na siya makatubag.

Akong nasayran nga usa sa mga miyembro nila nag-agi diay intawon og depresyon. Ug natural unsay mapaabot nato sa tawo nga wala sa ilang maayong panghunahuna ang makahatag ba 0g hustong pagpasabot?

Sa laing bahin, kining maong pundok walay pangalan ug ambot rehistrado ba kaha sa bisan unsang lehitimong pundok. Angay gyud nga magbinantayon sanglit daghan na kaayo ang mga scammers karong mga panahona nga usahay gamiton ang Pulong sa Dios sa pagpanghokhok.

Adunay mga pasalig kunohay nga gibuhian apan ang maong pasalig dili kasaligan. Kini tungod kay ang nagpasalig mismo ang utro pud nga dili kasaligan.

Busa magbinantayon gyud ang tanan labina karong mga panahona kay daghan ang moanhi ingon nga mga mini nga mga propeta.