Sa atong paggamit sa kahimanan sa komunikasyon

Dili pa lang dugay atong gisaulog ang Ascension Sunday nga mao usab ang World Communications Sunday. Kaniadto man gud bugtong radio, print, tv ang mga kahimanan sa komunikasyon. Apan sa pag-abot sa mas na sa social media daghan na usab ang mga kausaban nga nahimo. Nahimong mas compacted ang kalibutan. Nahimo nga mas paspas ang komunikasyon.

Apan sa kapaspas niini kuyog usab niini ang mga dili hamtong nga paggamit niini. Ang social media nahimong gilunopan sa impormasyon nga dili tinuod. Daghang mga impormasyon nga dili makatabang. Daghan sa mga impormasyon ang nagdala og kagubot kaysa kalinaw. Dunay mga impormasyon nga nagdala og kabungkagan kaysa kahiusahan. Mahimong tuison niini ang kamatuoran. Mahimong usbon niini ang mga panghitabo. Sama sa atong nasaksihan ug nasayran. Dili tanang anaa sa social media kamatuoran. Ang uban kanila bakak.

Sa atong paggamit sa atong mga nagkadaiyang social media accounts atong hinumdoman kining mosunod:

1. Sa dili pa kita mo post pamalandongan una nato kun makaayo ba kini o dili.

2. sa dili pa kita mo comment atong hunahunaon kun makadasig ba kini o makapasubo.

3. sa dili pa kita mo forward og bisan unsang atong Nakita sa atong pag scroll atong pamalandopngan kun kini matuod ba o bakak.

4. Labaw sa tanan dili malimot sap ag-ampo aron malamdagan unta ang tanan natong pagahimoon diha sa paggamit sa social media platforms.