Pagkaluya o estratehiya?

Naghatag og dakong tanghaga ang pag-withdraw ni Atty.Nicolas Kaufman isip lead counsel ni kanhi Presidente Rodrigo Duterte sa iyang kaso nga giatubang sa International Criminal Court kon ICC taliwala sa nagkainit nga dagan sa kasong crimes against humanity tungod sa kampaniya kaniadto batok sa illegal nga drugas, nganong karon ra man niatras ang iyang abogado?

Ang pagkapupos na sa kontrata ni Kaufman Marsong 31, 2026 ug ang hukom ni Duterte nga i-restracture ang iyang legal team ang nag unang rason niini, apan alang sa mata sa mga tawo nakamugna kini og nagkadaiyang reaskyon.

Alang sa uban usa lang kini ka pamaagi aron malangan ang husay sa kaso nga gikatakdang magsugod sa Mayo 27.

Sa balaod, kong mag ilis og abogado magkinahanglan kini og igong panahon aron makatuon pa ang bag-ong abogado nga mohupot sa kaso, apan si Kuafman mismo ang nag ingon andam na ug experensiyado na kaayo sa ICC ang mohulip kaniya.

Nagpasabot lang kini nga dili paglangay o delayong tactic ang tumong sa pag ilis og manlalaban sa kanhio presidente.

Gibarugan nang daan ni FPRRD nga walay hurisdikson ang ICC sa atong nasud tungod sa pag-atras na sa Pilipipinas gikan sa Rome Statute niadtong tuig 2019.

Ang pag ilis og abogado ilabi na ang pagpili og lokal nga mga experto sa balaod, mahimong sabton isip pagpalig-on sa baruganan nga ang atong judicial system nag-function ug dili na angayan hilabtan sa mga mga langyaw.

Nganong magsalig man sa international counsel kon aduna kitay mga lig-on nga nga mga abogado sa Pilipinas.nga mas nakasabot sa context balaod ug sa sitwasyon?

Usa sa gitan-aw nga hinungdan sa pag usab sa legal counsel ang kahimtang sa panglawas sa kanhi presidente, imbis tan-awon kini nga usa ka drama aron makalikay sa prisohana, kinahanglan natong tan-awon ang kamatuoran nga iyang pangidaron nga 81-anyos aduna nay limitasyon sa iyang panglawas samot na nga aduna usab siyay gihambin nga balatian.

Ang pag re-structure sa iyang legal team usa ka practical nga lakang aron maseguro nga ang iyang katungod mapanalipdan sa pamaagi nga haum sa kondisyon sa iyang panglawas.

Dili kini paglikay kon dili pagpandandam sa mas makiangyon nga proseso. Hustisya para sa mga Filipino pinaagi sa mga Filipino.

Ang tinuod nga hagit niining kasoha dili kon si kinsa nga mga abogado ang mohupot sa kaso didto sa The Hague, ang hagit mao ang pagmatood nga ang Pilipinas adunay katakos sa pagresolbar sa kaugalingong mga isyu.

Ang pagsalig sa ICC usa ka pag angkon nga ang atong judicial system "inutil."

Ang pag bag-o sa legal team ni Duterte posibleng lawom nga pagpangandam sa legal nga pagpakigbisog nga dili lang sa usa ka tawo kon dili alang sa integridad sa atong kaugalingong sestema sa hustisya.