Kamatuoran

Gidakop didto sa Prague,  Czech Republic si Zaldy Co niadtong miaging semana tungod sa pagbiyahi nga walay dokumento.

Naglaag-laag na sa gawas sa nasud si Zaldy Co human siya mibiya sa Pilipinas aron magpatambal apan wala na mipauli dihang mibuto ang panapi sa flood control nga proyekto. Mibiya siya sa pagka sakop sa Ubos Balay Balauranan.

Gibulgar ni Co ug gipasanginlan niini sila si Presidente Bongbong Marcos Jr., kanhi House Speaker Martin Romualdez ug anak sa Presidente nga si Zandro Marcos nga nanapi sa flood control project.

Gitug-an ni Co., kinsa mao kanhi ang chairman sa Committee on Appropriations,  nga si Presidente Bongbong Marcos Jr. ang nagmando kaniya sa pagpasal-ot sa P100 bilyon alang sa unprogram project nga wala maapil sa National Expenditure Program alang sa tuig 2025.

Gibulgar usab ni Co nga binilyon nga salapi ang nakuha ni Presidente Bongbong Marcos Jr., Zandro Marcos ug Martin Romualdez gikan sa gisal-ot nga budget.

Ang binilyon nga salapi gisulod kini sa daghang maleta ug gihatod sa iyang mga security personnel ngadto sa nahisgotang mga opisyal.

Gitug-an usab ni Zaldy Co nga ang wala niya pagpauli sa Pilipinas mugna kini sa hulga sa iyang kinabuhi human siya gibaharan sa kampo sa Presidente nga patyon.

Ang tanan nga pasangil gipaagi kini niya sa iyang pinirmahan nga affidavit.

Sa iyang pagpauli dinhi sa nasud dili kaha mausab ang pamahayag ni Co? Dili kaha siya madala sa pressure ug balihon ang iyang mga pamahayag?

Atong atangan ang mga kalamboan sa pag abot unya ni Zaldy Co dinhi sa Pilipinas.