Gustong ibaligya ang conjugal property

Dear Atty. Divine,

Adunay  gitanyag  kanako nga house and lot nga gipanag-iya sa usa ka magtiayon. Apan nagbuwag sila human mahibaw-i sa asawa nga adunay laing babaye ang iyang bana. Kini maoy hinungdan nga nakadesisyon ang asawa nga ibaligya ang ilang property. Ang akong pangutana kon mamahimo ko bang paliton ang maong conjugal property bisan kon way pagtugot sa bana? Daghang salamat. —Jing

Dear Jing,

Aron mamahimong legal ang imong pagpalit sa property, kinahanglan gyud nga mopirma og apil sa Deed of Absolute Sale ang iyang bana. Kini tungod kay ang conjugal property gipanag-iya gyud kini  sa magtiayon busa kon  kini ibaligya, kinahanglan gyud nga ang bana og asawa ang mopirma sa dokumento. Kon imo kining paliton nga ang asawa ray nakapirma, mamahimong questionon sa bana ang maong pagbaligya tungod kay entitle siya og 50% sa maong property. Thank you and God bless. —Atty. Divine

Alang sa inyong pangutana, palihug lang sa pag email sa [email protected] og ang tubagon ang inyong pangutana pinaagi sa akong column matag Miyerkules, Sabado og Domingo.