Mamahimo bang bawion ang gi-donate nga property?

Dear Atty. Divine,

Adunay yuta nga gidonar ang among mga ginikanan sa usa ka NGO. Ang tumong sa maong pagdonar sa yuta aron matukuran nila og center ug opisina. Apan human sa lima ka tuig way natukod nga center og ang among nahibaw-an nga instead nga center ang tukuron, ila kining butangan og mga stalls aron paabangan. Ang akong pangutana kun pwede ba mabawi sa among mga ginikanan ang yuta nga gidonar gumikan sa ilang kapakyas sa pagtuman sa kondisyon niini? Daghang salamat.

Glenda

* * *

Dear Glenda,

Basi sa Article 764 sa atong New Civil Code of the Philippines, mamahimong i-revoked sa donor ang donation kun ang donee napakyas sa pagtuman sa mga kondisyon nga gilatid niini. Ug kun ma-revoked na ang donation mahibalik ang property ngadto sa donor. Ang atong balaod naghatag og upat ka tuig gikan sa non-compliance alang sa donor sa paghimo og lakang aron mabawi ang gi donate nga property. Ang maayong buhaton karon sa imong mga ginikanan mao ang pagdangop sa korte aron inyong iparevoked ang Deed of Donation og bawion and property tungod sa ilang pagkapakyas pagtuman sa kondisyon niini. Thank you and God bless!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.