Unsaon pagsulbad and boundary dispute?

Dear Atty. Divine,

Ang tag-iya sa among kasikbit nga yuta nagsugod na sa pag-develop sa iyang property ug iya na kining gisugdan sa pagkural. Apan matud pa sa akong saup nga maoy nagtikad sa among yuta, milapas daw sa ilang boundary ang kural sa kasikbit. Unsay angayan nako nga buhaton aron pagsulbad sa malinawon nga paagi niining maong issue? Daghang salamat

Rosario

* * *

Dear Rosario,

Kun di ka gusto nga moabot sa barangay o sa korte ang maong problema, mamahimo nga imong estoryahan ang tag-iya sa kasikbit nimong yuta nga inyong ipa-survey ang inyong property aron pagsuta kun husto ba ang inyong tagsa-tagsa ka mga utlanan niini.

Inyong sabutan nga magtunga mo sa expenses ug kun unsay mamahimong resulta sa survey mao na kini ang inyong sundon nga utlanan. Mao ni labing maayo nga solution aron dili mo ma stress og di na mo kinahanglan nga maglalis pa. Kun masuta sa maong survey nga nakalapas sa ilang boundary ang imong kasikbit then aduna ka nay basis sa pag-demand nga ipasibog ang iyang koral kutob sa iyang utlanan. Thank you and God Bless.

Atty. Divine

* * *

Alang sa inyong pangutana, palihug lang sa pag- email sa [email protected] ug akong tubagon ang atong pangutana pinaagi sa akong column matag Miyerkules, Sabado ug Domingo.