Visita Domicilaria

Ang atong Dios nga gisimba dili man Dios sa halayo. Hinunoa siya kadtong Dios nga mo initiate og contact.

Siya kadtong nisulod sa atong tawhanong kasayasayan aron mahimong suod ug duol kanato aron kita mamahimong maduol usab kaniya.

Ang pulong Visita Domicilaria nagkahulogan man og Home Visitation kun pagduaw sa matag panimalay.

Dako kaayo kini og kahimoan aron sa ingon mahimong mas duol ang Parokya o simbahan pananglitan ngadto sa katawhan.

Nagpasabot kini og pagpakabana, pag-atiman. Pinaagi niini mamahimong mas makasinati ang kura sa panginahanglan sa iyang mga anak sa Parokya. Sa maong pagduaw iyang pagabitbiton ngadto sa matag panimalay nga iyang duawon.

Dugang pa, iyang pagadad-on usab ang pagdasig aron ang matag tawo nga maduaw.

Kahigayonan usab kini pag edukar sa matag miyembro sa mga programa sa Parokya sa mga programa niini.  Sa laing bahin alang sa matag kura makahatag kini og dakong kahigayonan aron sa ingon mas molapad pa ang iyang pagsabot sa iyang buluhaton isip magbalantay ngadto sa iyang panon.

Matud pa ni Papa Francisco kinahanglang ang Magbalantay manimaho sama sa iyang mga karnero.

Sa atong pagpanaw padulong sa Sentenaryo sa atong pagka Artsidyoesis ato untang makita ang bili sa pagpaminaw pinaagi sa atong presensiya ug sa presensiya sa uban.

Makamugna unta kini og mas malig-on nga katilingban aron human hisayri ang matag katilingban bililhon diay mamahimong mas tugob sa gugma ug paglaum ang matag pangalagad nga pagahimoon sa matag usa.