EDITORYAL — Leksyon sa tanan

Nagpusot-pusot ang pag-abot sa mga tawong nawagtangan sa ilang mga mahalong celphones human gironda sa mga otoridad ang usa ka cellshop sa dalan Leon Kilat , Cebu City.

Ang kapolisan nakarekober og 154 ka mga gadgets ug matud 90 porsiyento ani mga iPhones.

Maayo nalang nga dunay app ang iPhone nga ma locate kung asa kini, ug tungod ani , natultolan gyud sa mga tag-iya kun asa ang ilang nawagtang mga gadget.

Pinaagi sa pagtabang sa kapolisan ug sa Business Process Licensing Office sa City Hall naablihan ang maong establisamento ug didto nakita ang daghang mga iPhones.

Kwestyonable pudd kaayo nganong naay daghang cellphone ang establisamento nga wala man diay kini business permit.

Samtang dili pa dayun makuha ig balik sa mga tag-iya ang ilang mga cellphones hangtud dili mapasakaan og kaso ang mga responsable,  magsilbi kining leksyon.

Leksyon sa mga tag-iya nga dili gyud dapat magkumpyansa ilabi na sa panahon nga magduot-duot sa daghang tawo.

Kay ang mgaangunguot , manguot gyud kun hatagan og kahigayunan.

Sa pikas bahin, leksyon sab kini para sa kapolisan nga nagbantay ilabi na kun panahon nga dunay mga okasyon o selebrasyon sama sa Sinulog.

Nga bisan sa kadaghan sa ilang gipang deploy nga mga polis, makalusot gihapon ang mga mangunguot ug makabiktima.