Ang 2026 national budget

Gipirmahan na ni Presidente Bongbong Marcos Jr. ang budget alang sa mga gastohanan sa operasyon sa gobiyerno ning tuig 2026.

Apan wala giapil sa gipirmahan sa Presidente ang mobalor sa 92 bilyones ka pesos nga unprogrammed budget nga gisingit sa 2026 budget.

Hinuon ang laing gisingit nga unprogrammed budget nga mikabat sa kapin usa ka gatos ka bilyon ka pesos ang gipabilin sa Presidente sama sa support to foreign assisted projects (P97.30B), risk management (P3.6B), ug AFP modernization (P50B).

Gihulagway ni Presudente Bongbong Marcos Jr. nga pinakalimpiyo nga budget sa kasaysayan ang 2026 budget nga iyang gipirmahan.

Apan lahi ang nakita sa iyang maguwang nga si Senadora Imee Marcos nga miholagway sa budget nga dili ang pinakalimpiyo kun dili ang pinaka sneakiest nga budget.

Ipaabot usab ni kongresista Erice ngadto sa Korte Suprema ang Constitutionality sa 2026 budget tungod sa gisingit nga lapas sa usa ka gatos ka bilyon ka pesos nga unprogrammed budget.

Mahinungdanon ang modernisasyon sa armadong kusog sa nasud.

Ang armadong kusog sa nasud nanginahanglan og armas ug mga kahimanang militar ilabi na ning panahon nga gisigihan ta og hulga sa China.

Ang armadong kusog nga walay arnas walay kusog sa pagpanalipod sa iyang kayotaan, kawanangan ug kadagatan.

Makapatingala lang kun nganong wala i-apil sa National Expenditure Program O NEP ang modernisasyon sa armadong kusog sa nasud.