Kompirmado

Konpirmado na ang duda sa pagtabok nila ni Senador Chiz Escudero ug Joel Villanueva sa kampo sa administrasyon nga kini may kalambigitan sa mga nakaong-ong nga kaso nga posible nilang atubangon.

Kun kaniadto duda ra, karon klaro na, human gipahinumduman ni Antonio Trillanes si Senador Chiz Escudero sa maingon nato nga kasabotan.

Kun mahinumdum pa mo gilutos sa administrasyon ang mga senador nga miabin ni Senador Allan Peter Cayetano sa paghulip kang Senador Tito Sotto isip Presidente sa Senado.

Gipapriso si Senador Jinggoy Estrada, Rodante Marcoleta ug ipadakop si Bato Dela Rosa. Isunod na unta sila si Joel Villanueva ug Chiz Escudero apan nahunong kini human mitapon sila sa kampo sa administrasyon ug ang posibilidad nga katumbas niini mso ang paghunong sa ilang kaso. Konpirmado na kini basi sa sulti ni Antonio Trillanes.

Duwa-duha kini sa accountability. Si Chiz Escudero mao karon ang presiding judge sa impeachment court samtang si Joel Villanueva nagsilbing huwes. Ilang hukman ang bise presidente tungod sa accountability niini sa iyang Confidential ug Intelligence Fund. Apan kining duha mawala na ang ilang accountability tungod kay kaalyado na sila ni PBBM? Sabot-lang? Ka faets.

* * *

Gisita sa COA ang Cebu City government tungod sa relief goods alang sa mga naigo sa Bagyong Tino nga nagtapunog lang sa bodega sama sa bugas, sardinss, uban pang mga de lata.

Nganong wala man ni gipanghatag ang mga donasyon para sa mga naigo ni bagyong tino? Paaboton pa ba ni Cebu City nga mangadaut ang mga pagkaon, tubig ug uban pa una pa nila kini ipanghatag? Pag-sure mo oi.