Pasko

Nahimong busy kaayo ang among parokya sa pagpangandam ning kasaulogan sa pasko sa pagkatawo sa atong Ginoo.

Gawas sa mga liturhikanhong mga kasaulogan aduna sab kami mga kalihukan sama sa pasko sa Kabataan, padayon sa paghatag og mga relief operations alang kanila nga nabiktima sa mga kalamidad ingon man ang Pasko sa Kabataan.

Salamat sa mga tawo nga nagpaluyo alang niini. Dako kaayo namong kalipay ug pasalamat kay kun wala pa kamo wala gyud kami mahimo.

Ang pulong Pasko sa laing bahin atong hatagan ang pulong Pasko og kahulogan ingon nga acronym.

P kun Prayer o Pag-ampo. Mao kining panahona nga angayan kitang mamalandong ug maghinuklog sa daghang mga panalangin nga atong nadawat.

A kun Availability diha sa pagdawat sa Ginoo sa atong kasingkasing ug tagana unta kita sa pagdasig sa uban nga manlibasog taliwala sa mga pagsulay ug katalagman.

S kun silence. Dili tanang kabanha nagpasabot og Kasadya.

Dunay kabanha nga nagdala og kagubot ug kabalisa.

K kun kahibalo kalabot sa Dios.

Kay ang pag-ila uban ang kahadlok sa Dios mao man ang sinugdanan sa kinaadman.

Ang pasko mao man ang tukmang panahon sa pag-ila ila sa Ginoo diha sa atong kinabuhi.

O kun Openness sa pagdawat sa bisan unsang posibilidad dinhi sa atong kinabuhi ingon  ingon man sa bisan unsang kaayohan nga gikan sa kahitas-an.

Maayong Pasko mga Igsuon!

Dako unta kaayo og mahatag nga katin-awan si Cabral sa kaso sa flood control program sa kagamhanan kay siya man ang giingong kamot o adunay dakong papel sa pagpalusot sa mga proyekto nga nagtangag og mga dagkong budget. Siya ang nasayod sa tanan kinsa ang mga nalambigit ug siya ang maisip nga most reliable nga witness batok sa mga dagkong opisyal sa nasud nga nalambigit sa massive corruption. Segurado nga dili lang listahan ang iyang gihuptan kon dili mga lig-ong ebidensya. Usa kaha kini sa mitsa sa iyang kamatayon?

Sa pagkamatay ni Cabral, mouban pa sa iyang lubnganan ang dakong sekreto nga iyang gitagoan? Dunay tinguha si Cabral nga mamahimong testigo nganong wala man siya hatagi og gibug-aton?

Nagpakamatay o gipatay man angayan nga mas paladman pa ang imbistigasyon sa iyang kamatayon aron maklaro ang tanan. Sa habig sa iyang pamilya, wala pud kita masayod kong duna bay nagpressure kanila nga kunohay modawat nalang sa kamatooran.

Daghan pa ang posibleng mahitabo sa umaabot. Naaresto na si Sarah Discaya ug ang mga engineers sa DPWH gikan sa Davao Occidental ug namatay si Cabral. Unsa kaha ang mosunod nga mahitabo?  Atong atangan.