EDITORYAL - Salawayong buhat

Bation og.  Kalipay ug garbo ang mga Filipino matag dunay mga langyaw nga modayeg sa kaanindot sa Pilipinas.

Kanang mga langyaw nga makasuway og bisita dinhi ug makasuroy sa mga lugar sa nasud ug mo post dayin sa social media sa ilang dili makalimtang kasinatian.

Apil ani ang ilang personal nga kasinatian sa matag Pilipinong ilang nakahimamat ug nakauban ilabi na og positibo ang unod sa ilang mga posts sa social media.

Duna pay uban nga nakaminyo gyud og mga Pilipina ( nga maoy mayoriya) ,ang ubang langyaw moingon nga dinhi sila nakakaplag sa tinuod nga gugma nga wala nila makaplagi sa ila.

Daghan pang ubang pulos makapabuhi sa dugo nga mga paghulagway sa Pilipinas, bation gyud ta og dakong garbo.

Pero, dunay page sab sa social media nga ang mga posts ug komento pulos negatibo ang gipanulti bahin sa Pilipinas. Ang mga followers pud ani nga page mga langyaw sab nga nakasuway na sab og ari dinhi sa nasud ang uban nakapuyo gyud og dugay dinhi tungod sa negosyo, trabaho o ba kaha nakapangasawa dinhi.

Duna kanilay nisaway sa mga Pilipino tungod sa personal nilang nakita nga mga bati nga kinaiya sama sa tinuoray nga motibo nganong nakigsuod kanila tungod sa ilang kwarta.

Daghan pang uban nga dili maayo sa imahe sa atong pagla Pilipino.

Apan lahilahi ang tawo, samtang tinuod ang tanan nilang gipangsulti kay gibase man sa ilang kasinatian, dili tanang Pilipino ang ingon niana.

Sa ilang nasud duna sab aning mga bati og kinaiyang mga tawo.

Pero ang pinaka dili maayo nilang komento nga pwedeng buhatan og pamaagi ug makorihian, mao ang bahin sa atong sosyodad, ang atong mga  lugar , ang overpricing sa presyo nilang mga langyaw, kurapsyon gikan sa taas hangtud sa kinaubsan sa gobiyerno, kakulang sa mga pasilidad, seguridad, kahugaw sa mga karsada, daghang ironnga libudsuroy, polusyon, banha kaayong mga tambutso, ug daghan pang uban.

Dili perpekto ang Pilipinas, apan kana ilang personal nga kasinatian dili lisud korihian kung maminaw lang ang gobiyerno.