Maka-demand ba og separation pay ang empliyado?

Dear Atty. Divine,

Ang akong igsuon nagtrabaho sa usa ka company sud na sa walo ka tuig. Apan midesisyon siya nga mo-resign na sa trabaho tungod kay siya masakiton na. Gidawat sa HR ang iyang resignation letter. Karong bag-o iyang gitawgan ang company kun aduna ba siyay madawat nga separation pay, apan giingnan siya sa HR nga estoryahon pa daw niya ang employer. Ang akong pangutana kun maka demand ba og separation pay ang akong igsuon nga mi-resign? Daghang salamat. -- Grace

* * *

Dear Grace,

Way provision sa atong Labor Code nga nagmando sa employer sa paghatag og separation pay sa mga empliyado nga boluntaryong mo-resign sa trabaho. Buot ipasabot nga dili obligado ang kompaniya sa paghatag og separation pay sa  empliyado nga mi-resign gawas lang kun kini nalatid sa iyang employment contract o sa Collective Bargaining Agreement or CBA kon duna man o ba kaha nahimo nang palisiya  o practice sa kompaniya nga mohatag og separation pay sa mga empleyado nga mo-resign. Apan kun dili kini mao ang practice sa ilang company ug wa sab kini malatid sa iyang employment contract then dili obligado nga mohatag kaniya og separation pay ang kompaniya. Ang employer mapugos lang sa paghatag og separation pay kun siya mismo ang mitaktak sa trabahante basi sa authorized causes nga nalatid sa atong Labor Code o kon illegal niyang gidismiss ang trabahante. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.