Ang gikinahanglan aron makasunod kang Jesus

Daghan kanato ang buot mosunod sa atong Ginoo. Gani, daghan man kanato ang buot moingon nga: “Ania Ako! Sugoa Ako!” apan ang pangutana mao makalahutay ba kita hangtud sa katapusan?

Basin baya og kutob lang kita sa sinugdanan apan malisud gihapon ang paglahutay hangtud sa katapusan. Kini tungod kay buot kita magoabilin kita sa atong comfort zone.

Dili nato makab-ot ang buot natong kab-oton kondili kita maantigo nga motalikod sa mga butang nga atong gihigugma.

Hinuon wala kini magpasabot nga sa atong pagtalikod sa atong mga ginikanahan, kaigsuonan, o kabtangan, wala na nato sila higugmaa.

Ato gihapon silang gihigugma apan of the lesser degree.

Kini tungod kay ato man gihimong priority ang Ginoo sa atong Ginoo.

Wala kini magpasabot nga mobiya kita sa kalibutan diin kita sakop, hinunoa atong pun-on sa Diosnong gugma ang kalibutan sa kalambigitan. Pagkaanindot kon kini modilaab sa kalayo sa paghigugma.

Pagkaanindot nga kita mamahimong katilingban nga nagkahigugmaay apan nagpakita sa susamang tinguha nga higugmaon ang Dios labaw sa tanan. Kun sayud kita sa atong pryoridad mas dali alang kanato ang paghimo og desisyon kun hukom sa mga butang nga atong pagahimoon.

Kun buot kitang mosunod sa Ginoo, pilion nato ang iyang pagtulon-an ug subayon nato ang dalan nga iyang gisubay. Atong hangpon ang Krus nga iyang gipas-an.