Kawat sa Buanoy

Daghan kong gibuhat sa nilabay nga gabii mao nga gikapoy ko pag-ayo. Sayo sa buntag nahingangha na lang ko sa buhing kamatuoran nga gilungkab diay ang opisina.

Gikawat ang mga kwarta. Sa akong banabana P13,000 kapin kun kulang ang nasakeyo sa mga kaliwat ni Estas.

Kadtong maong slots gamitonon to aron mabayran ang nahabiling utang nga mga P2.1. million. Kun ang maong kinawat gamiton alang sa pamugas makasabot ta apan kun gamiton alang sa bisyo, lain na pud nan nga estorya.

Sa panahon karon dili gyud kasaligan ang mga tawo. Daghang mga tawo karon nga mapahimuslanon ug mga kawatan bisan gani mismo sulod sa Simbahan. Dili ni mahitungod sa kwarta nga gikawat.

Mahitungod kini sa paghatag og tahod sa mga tawo ug mga kamot luyo sa maong mga kantidad. Mga tawo nga naghago sa hilabihan aron lamang dunay ikapaambit.

Sa akong bahin, gibati ko ang tumang kasagmuyo sanglit ako ug ang akong mga sakop nga gisaligan aron kini tipigan.

Pun-an pa sa mga gisangongan nga wala gyuy nahimo tingali gawas sa paghinanok.

Bug-at kaayo kini sa buot. Ug unta ang naghimo sa ingon, makamatngon sa krimen nga ilang nahimo.