Pagpamalandong matag Domingo

Maayong Balita

Laing Semana Santa na Usab. Gikan sa singgit nga: “Hosana sa  Anak ni Ang Hari sa Israel! Daygon ang nagaanhi sa Ngalan sa Ginoo! Hosana sa Kahitas-an!” ang gihulipan man og: “Ilansang siya Krus! Ilansang siya! Dili siya! Si Barabas among gusto!”  ang krus bisan pa man kun sa mata sa kalibutan simbolo sa kaparotan apan alang kanato ang krus simbolo man sa kadaugan! Simbolo sa kinabuhi! Simbolo sa kalingkawasan ug kinabuhi!

Kasinatian

Ang krus dunay duha ka mga direksiyon. Ang Vertical direction nipahinumdom kanato sa atong kalambigitan sa Dios. Kun dili nato kaya ang gibug-aton sa krus atong sangpiton ang Dios aron unongan kita sa pagpas-an niini. Ang horizontal direction ang nipahinumdom kanato sa atong kalambigitan sa uban. Bisan pa man kun kita gihasol sa atong palas-onon unta kita dili magmakuli sa pagtabang sa uban.

Lihok

Tutok sa krusipiho. Ug hinomdomi kining mosunod: “Malimbuwad man ang kalibutan apan pabiling lig-on ang Krus ni Kristo!”

Pangamuyo

Tanan: Tungod sa timaan sa Krus sa among mga kaaway bawion mo kami Ginoong Dios namo (manguros)  sa ngalan sa Amahan, ug sa Anak ug sa Espiritu Santo. Amen!