Tinutuklaw niya ang tagapagligtas
Hinati ni dating senador Antonio Trillanes ang Jan. 31 protesta kontra katiwalian. Inakusahan niya si dating DICT-Sec. Eliseo Rio na “pro-Duterte general”. Pinasisikat ni Trillanes ang sariling rally sa People Power Monument sa umaga, kaysa kina Rio sa EDSA Shrine sa hapon.
Isinulong sa dalawang ralIies ang impeachment ni VP Sara Duterte. Ang kaibahan lang ay tinuligsa rin nina Rio ang korapsyon sa ilalim ni President Bongbong Marcos, na amo ngayon ni Trillanes. Ani Rio, hindi siya pro-Duterte. Nag-resign nga siya sa DICT nu’ng 2020 dahil sa katiwalian ng Duterte admin.
Tinutuklaw ni Trillanes ang mga amo at tagapagligtas niya:
• July 2003 nagkudeta siya kontra President at Commander-in-Chief Gloria Macapagal Arroyo. Pero bigo. Nabilanggo.
• Maski nakakulong, naging senador si Trillanes. Dec. 2010 hiniling ni noo’y-Senate President Juan Ponce Enrile na pakawalan si Trillanes sa kanyang kustodiya. Nakalaya ang rebelde.
• Sep. 2012 binisto ni Enrile ang anim na biyahe ni Trillanes sa China. Pero minsan lang niya ito pinahintulutang mag-abroad. Ani Enrile 16-beses nakipagpulong si Trillanes sa Chinese officials para isuko ang Panatag Shoal. Siniraan pa si noo’y foreign sec. Albert Del Rosario.
• Oct. 2014 inakusahan ni Trillanes si noo’y VP Jojo Binay sa Senado. Kesyo raw maraming tagong yaman. Isinusulong ni Trillanes noon bilang Presidente sa 2016 si Mar Roxas kontra Binay.
• Hinamon ni Binay si Trillanes ng debate. Binunyag ni Trillanes na noong 2007, bilang Makati mayor, binalak ni Binay patalsikin si GMA. Pero umatras daw ito kaya naipit si Trillanes sa Peninsula Hotel takeover.
• Apr. 2015 niyaya ni Trillanes si Duterte na mag-tandem bilang VP at Pangulo. Umayaw si Duterte. Pinili niya si Allan Cayetano.
• May 2016 inakusahan ni Trillanes si Duterte ng sikretong P200-milyong deposito mula pa raw nu’ng 2014.
- Latest
