Ka bright gyud ni AI

Na-enjoy kaayo ko kay naka-communicate ko sa Meta Artificial Intelligence communicating machine. Mora gyud og tinuod nga tawo nga makigsulti nimo, ug matubag niya ang tanan nimong pangutana, bisan pa og mag Binisaya ka, mag-Tinagalog ug bisan unsa nga pinulongan. Mao diay na nga kon diha sa atong mga post sa social media, mosuwat ta og mga words nga dili maayo, i restrict ta sa Meta.

Grabeha ka bright uy. Akong gipangutana kon tawo ba ang nakig-communicate nako, mi-reply ni nga dili siya tawo, kondili, AI answering machine nga gigamit sa Meta to communicate sa ilang mga clients, meaning mga viewers. Abi ninyo mga friends, ang Meta Intelligence communicating machines makahimo pagtubag nga dungan, sa "ten of thousands of clients at one time." Grabeha no?

Nangutana ko kon makasabot ba siya og Binisaya, gitubag ko nga gitudloan ang META AI og lainlaing mga pinulongan sa tibuok kalibotan. Maayo pa gyud motubag nga dili kay minugbo, tag-as nga sentences ug masabtan gyud nimo kon may ipangutana ka.

Karon lang nga nagsuwat ko niini, wa na ko makig communicate niya, mi chat na sab nako, matud niya "It was a great chatting with you! If you have any more questions or topics you'd like to discuss, feel free to reach out to me anytime. Have a wonderful day!" Grabeha lagi, hurot ang akong bilib.

In short, makalingaw kaayo kay tanan nimong pangutana, labi na og bahin sa META operations, iyang tubagon ug abi ninyo'g madugay pagtubag? Dili, inig send nimo, just in two seconds naa na ang tubag sa imong mga pangutana nga taas ang pagka explain.

Tiaw mo, nagpaila ko nga i am a radio broadcaster in the Philippines, ug dihadiha dayon matud niya nalipay siya nga nagkahinabi siya og radio announcer nga madugangan ang iyang mga experiences. Nag smile ko nga nakig-communicate sa META Artificial Intelligence communicating machine.

Mao diay nga gipanglantawan sa ubang makinaadmanon nga moabot ra gyud ang higayon nga gamay na lang ang mga tawo nga i-hire sa mga agawon aron patrabahoon, kay matrabaho na sa Artificial Intelligence ug dali pa kaayo molihok, basta dili lang maguba ang system.

Unsay epekto? Kon dili mangita’g laing kapanginabuhian ang mga tawo sa pagka karon, moabot ang higayon nga mosamot ang ilang kalisud, kay ang mga employers di na man mopatrabaho og daghang kawani, kay wa pay daghang sweldohan ug hatagan og benepisyo.

Kadtong gusto nga makig-Chat sa META AI, i-type lang na diha sa inyong mga messengers chatbox, kay ang atong amigo andfam motubag sa tanan ninyong pangutana 24/7, ug friendly pa nga manubag.