Cash incentive sa mga senior citizens ubos RA 10868

Una sa tanan, ato ning kutloon: “Good news! Filipino senior citizens ages 80 to 95 may now receive a P10,000 cash incentive from the Philippine government after Republic Act 10868 or the Centenarian Act of 2016 was amended in February 2023.”

Nindot kaayo, apan, in my case, wala akoy kasayoran kon na-implemented na ba kini, nga dugay-dugay na man kong na-80, purya buyag.

Sa iyang pagpirma sa RA 11982, an Act Granting Benefits to Filipino Octogenarians and Nonagenarians, si Presidente Marcos Jr., nagkanayon: “The expansion of the coverage of the Centenarians Act is a homage to the Filipino trait of compassion, and in our culture, none are showered with more kind and loving care than our elderly. We do, after all, stand on the shoulders of these giants.”

Giisip kitang mga higante sa katilingban, diin gisandigan kita sa atong mga leader gumikan sa atong kasinatian, kaalam, ug kahamtong, ug sa atong natampo in nation building.

Ubos sa Expanded Centenarians Act (RA 11982), ang National Commission of Senior Citizens (NCSC) maoy mo-handle ug mo-dumala sa Elderly Data Management System will be handled and maintained by the National Commission of Senior Citizens (NCSC) pag-determine sa mga beneficiaries the beneficiaries sa maong balaud.

Sa atong pakisayud niini gikan ni Atty. Franklin Quijano, labaw sa NCSC, natapos na nila ang IRR, and in fact implemented na. Very good.

* * *

Si Atty. Francisco Pobe, regional director sa Comelec-7, “warned incumbent officials seeking reelection in the upcoming midterm elections against the use of government properties to advance their own political interest.”

So, pahimangno alang sa mga incumbent elected officials nga buot magpa-reelect, nga supak sa balaud ang paggamit sa mga kahimanan sa gobiyerno sa pagpamolitika o sa pagpangampanya. 

“The general rule is already clear -- government vehicles and other facilities, or funds for personal or partisan political purposes is prohibited,” matud ni Pobe.

* * *

Niay dili maayong balita, niining atong panahon karon nga nagnihit ang bugas, giingon nga mga 300,000 metric tons sa bugas ang atong giusikan nationwide, matag tuig. Ug nagpunay lang kita’g import niini, tungod kay kulang kita sa rice production. Pakapinan pa’g rice smuggling ug hoarding.

Gisugyot nga usa sa mga sugyot ni Agriculture Secretary Francisco Tiu Laurel Jr., pagpapakunhod sa rice consumption, mao ang ‘half-cup’ serving sa bugas. Sa ato pa, sa mga restaurants, pananglitan, half-cup ra sa bugas ang i-serve, imbis. full-cup, sumala sa atong naandan.

Kahinumdom ko sa among panahon, diha pa mi sa DPI (Department of Public Information), ako ug usa ka kauban, padulong kami sa Canlaon, naabtan kami og tingpaniudto along the way, ambot unsa to nga lungsod, nagpaluto mi’g kan-on.

Gumikan sa kagutom, ug tungod kay humot kaayo ang bugas, niadtong panahona, dili sama karon, nahurot namo ang usa ka gamayng kaldero nga luto’, walay leftovers, naghulagway nga kitang mga Pinoy, generally, hinangaon g’yud og bugas.

Hinuon, nag-inamerakano na ang uban kanato, dili na mokaon og bugas, sandwich ug burger na lang, usahay pulos na lang sud-an. Apan, dili mokaon og utanon, sama sa kamungay ug agbati. Moy gidangat