Mga Matang sa Demonyo Segun sa Panlantaw ni Francisco Maria Guazzo

Sa iyang compendium nga Malifecarum adunay mga unom ka mga matang sa demonyo nga mag-agad sa ilang pinuy-anan kun habitation.

Kining maong mga lista ang gikutlo usab ni Guazzo gikan sa mas una pang obra ni Michaellis Psellus (De Operatione Daemonium Dialogus)

1. Ang una mao kadtong daw mga kalayo. Anaa sila sa mas hataas nga kahanginan ug dili sila mokunsad hangtud sa panahon sa adlaw sa panghukom. Wala silay kalambigitan sa kalibotan ug sa mga tawo.

2. Ang ikaduha mao kadtong anaa sa kahanginan. Anaa sila sa kahanginan nga naglibot kanato. Tumong nila ang atong kalaglagan ug kaalautan.

3. Ang ikatulo mao kadtong anaa sa kayutaan. Anaa sila sa mga kalasangan, kaumahan, ug sa hilom nakigpuyo sa mga tawo. Sila kadtong gilabay gikan sa langit nganhi sa yuta. Sila kadtong mga espiritu sa kinaiyahan kun mga elemental.

4. Ang ikaupat mao kadtong anaa sa katubigan. Anaa sila sa kadagatan, kasubaan, sa mga lanaw. Kasagaran kun sila magpakita mogawas sila sa bayhon sa usa ka babaye sanglit nagpuyo sila sa mga Tubigon nga mga dapit.

Dili sama sa mga yawa nga anaa sa kabungtoran ug sa mga mamala nga mogawas ingon og mga lalaki.

5. Ang Ikalima mao kadtong nagpuyo sa mga langob ug mga lungag. Sila kadtong mga motay-og kanato gumikan sa ilang kadautan.

6. Ang ikaunom mao kadtong anaa sa kangitngitan. Kasagaran bangis sila nga mga matang sa mga demonyo nga padayong maghasi sa mga tawo ug magdagmal kanato. Wala silay kalambigitan sa mga ungo ug lubos itom dili lang ang ilang panggawas kondili hasta na usab ang ilang pangsulod nga bahin. Kaaway nila ang kahayag.

Nuestra Señora Virgen de la Regla

Magsaulog na usab kita sa kapistahan sa Birhen sa Regla, Nov. 20-21, particularly sa Opon, dakbayan sa Lapu-Lapu.

Nasayod na kita niini, bisan gani ang taga-laing dapit nga nag-devotion sa Mahal nga Birhen, nasayud na usab niini.

Matud dinhi, “The Virgin of the Rule, is a black Madonna statue that is venerated in the Spanish city of Chipiona, ”before nga gidala nganhi, sa Opon ni Rev. Fr. Francisco Avalle, 1735. Siya ang unang parish priest sa Opon.

Nganong itom man? Sa nasayran, it was St. Augustine, usa sa mga halige sa Simbahan, Obispo sa Hippo, maoy nagkulit, sa itom nga imahen sa Birhen, “to conform with the dark-skinned natives of Tagaste, Africa. Sa ato pa, kon dinhi pa sa Opon kulita ang maong image, brown diay unta ang kolor niini, pahiuyon sa brown nga panit sa taga-Opon.  

Ang origin nga kasaysayan nagsugilon nga si St. Augustine “received a revelation from an angel to rve an image of the Virgin Mary, ug ang maong imahen gidala ngadto sa Spain ni St. Cyprian. 

Sa mga tuig 711, nanghasi ang mga Moors, gi-ransack ug gipulpog ang tibuok Andalucia, ug hichicon sa Birhen for convenience. Ilang gitaguan sa langub.

Gisulod sa usa ka cedar box, uban sa usa ka paten, cruets, ug pipila ka vestments for Holy Mass, ug sulod sa langob, ilang gitaparan og usa ka dinagkutan nga lampara. 

Gawas nga miuyon ang principal sa mga monghi, mikuyog pa gayud sa biyahe, nga tapus sa pila ka semanag baktas, miabot sa usa ka lasang duol sa baybayon. Gikapoy, mipahuway, hangtud nga nakatulog.

Sa tungang gabii, nakadungog sila’g tingog sa usa ka babaye nga nagkanayon: “Hic locus meos est,” which meant, “This the place.” Kalit nga usa ka “ball of fire flashed from the sky and rested at the foot of the fig tree” nga maoy gikatulgan sa mga monghi.

Makabalik ba si Rama?

Daghan ang nangutana kon si dismissed Mayor Michael Rama nga gikatakda nga moabot ugma gikan sa tulo ka semana niyang honeymoon sa gawas sa nasud, maka-asumer ba kuno dayon pagbalik sa katungdanan.

Ang nangutana nako sa akong radio program gihatagan ko og katin-awan, ilabi na nga naglambigit kini og legal nga isyu. Klarohon nako nga dili ko abogado, apan kining ako mao lay pagsabot nako sa balaod.

Si Mayor Rama nag-atubang og mga kaso nga gipasaka batok kaniya nga adunay kalabotan sa iyang pagka mayor.

Gipahamtangan og unom ka buwan nga preventive suspension si Rama kay ang Ombudsman naniguro nga ang mayor dili maka-influence sa imbestigasyon sa kaso nga upat ka kawani wa dayon masweldohi.

Ang unom ka buwan nga preventive suspension napupos na kaniadtong Nobiyembre 9, kay nagsugod man ang preventive suspension kaniadtong Mayo 10.

Daghan ang miingon nga si Rama makabalik na sa katungdanan, pero ang akong ikasulti mao nga dili pa kini mahimo gawas lang kon ang iyang mga abogado makakuha og kamandoan sa Supreme Court nga dili ipatuman ang dismissal order nga gimando sa Ombudsman.

Gipahamtangan si Rama og dismissal sa serbisyo, ug duna pay gipakapin nga order nga dili na gyud siya madawat sa bisan unsang trabaho sa kagamhanan.

Apan kon way Temporary Restraining Order (TRO) o kaha Permanent Injuction gikan sa Supreme Court, mora’g lisud nga makabalik dayon si Rama.

Ngano man? Kay si Mayor Raymond Garcia nakahural na atubangan sa DILG nga siya na maoy “full-fledged” mayor sa siyudad. Duna lay mga lainlain nga pagsabot sa balaod ang duha ka parties.

Ang kampo ni Rama miingon nga ilegal ang pag-asumier ni Garcia isip mayor kay wa gyud ma-served ngadto kang Rama ang order sa Ombudsman nga nag-dismiss kaniya.

Matud sa mga abogado ni Rama nga ang Ombudsman Administrative Order No. 7 dili magamit nilang Garcia nga basehanan sa iyang paglingkod pagka mayor.

Naa man gud sa Administrative Order No. 7 nga ang mga order sa Ombudsman kabahin sa silot sa mga “erring government officials” kinahanglan gyud nga ipatuman dayon sa mga hingtungdang opisyal.

Ang taga DILG nahadlok nga kon dili nila ipatuman ang dismissal order ni Rama, basin og sila maoy masikwate ug mapahamtangan og silot.

Buyno, ingon niini ang sitwasyon karon. Misuway bitaw si Atty. Collin Rosell paglingkod isip city administrator, aw nakatilaw hinoon og posas kauy gidakop sa mga polis tungod kay matud pa nakahimo og Usurpation of Authority nga gilatid sa Article 177 sa Revised Penal Code.