Gustong mangayo og bahin ang kapuyo

Dear Atty. Divine,

 Ang akong igsuon adunay kapuyo og aduna silay usa ka anak. Karong bag-o, among gibahin ang yuta nga kabilin sa among mga ginikanan.

Gawas sa yuta, amo sab gibahin ang kwarta nga gideposito sa bank account sa among ginikanan. Ang akong pangutana kun maka-demand ba og share ang kapuyo sa akong igsuon kay interested man siya sa kabtangan sa akong igsuon? Daghang salamat. —Queenie

Dear Queenie,

Way katungod ang kapuyo sa imong igsuon nga mangayo og bahin sa property  nga iyang na-inherit gikan sa inyong mga ginikanan. Kini tungod kay basi sa balaod, ang inherited property makonsiderar kana nga exclusive property sa bana or asawa nga maoy naka-inherit niini.

Busa bisan ang legal spouse dili makapanghilabot samot na ang live-in partner. Dili sab makonsider ang kapuyo nga co-owner sa property nga nasunod sa imong igsuon gikan sa inyong ginikanan kay basi sa balaod, ang property lang nga ilang na-acquire atol sa ilang panagtipon maoy makonsiderar nga gipanag-iya kanilang duha.  Thank you and God bless. —Atty. Divine

* * *

Alang sa inyong pangutana, palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.