Presensiya, pakighiusa, pangalagad

Ang Ginoo nahimong anaa sa tanang mga gutlo sa atong kinabuhi. Sukad sa atong pagkahimgso hangtud na gani sa atong kamatayon.

Mao nga anaa ang pito ka mga sakramento, sila ang mga ritwal nga nagpakahimo nga ang Dios atong masinati sa tanang mga gutlo sa atong kinabuhi.

Ang Dios anaa sa tanang mga dapit, apan wala magpasabot nga ang mga dapit mao ang Dios. tungod niini kinahanglang mosulod kita sa presensiya sa Dios bisan asa ug sa bisan unsang takna.

Kun sa Dios kita makighiusa mamahimong kumpleto ang kinabuhi. Ang pakighiusa sa Dios mao ang kalipay sa matag kalag.

Gihimo kita aron mahigugma, moalagad ug sa katapusan makighiusa sa Dios.

Ang pag-ampo mao man ang ganghaan aron makasulod kita sa kahiusahan. Ang Eyukaristiya mao man ang paagi nga ang Dios mahimong usa kanato ug kita mamahimong usa kaniya.

Ang pagtuo nga walay buhat patay man nga pagtuo. Ang pangalagad mao man ang pagpadayag sa atong

kamapasalamaton gumikan sa mga panalangin nga atong nadawat.

Ang pagpangalagad sa bisan unsang pamaagi paagi man sa pagpasinati nga ang matag tawo adunay kalambigitan usa usag usa.