Unsay madawat sa empleyadong moretiro?

Dear Atty. Divine,

Aduna koy pangutana labot sa retirement benefits. Ania ko magtrabaho sa usa ka pribadong kompaniya ug sa sunod tuig gikatakda na ako nga mo-retire. Akong nahibaw-an nga ang among kompaniya way retirement plan alang sa ilang mga empliyado. Ang akong pangutana atty. kun naa ba koy madawat gikan sa among kompaniya kun  mo retire ko?  Daghang salamat.

Richard

* * *

Dear Richard,

Bisan kun way retirement plan ang imong kompaniya, aduna gihapon kay madawat nga retirement benefits basi sa Article 287 sa atong Labor Code nga diin kini nagkanayon nga kun way retirement plan o agreement ang kompaniya, ang ilang empleyado mamahimo gihapon nga mo-retire sa edad nga 60 anyos ngadto sa 65 anyos nga maoy compulsory retirement age, ug sila  makadawat og retirement pay nga equivalent og at least  one-half (1/2) month salary sa matag tuig niya nga serbisyo, plus 1/12 sa iyang 13th month pay, ug laing cash nga mobalor og lima ka adlaw sa iyang service incentive leave.

Obligado ang mga kompaniya nga mohatag niining maong retirement benefits gawas lang niadtong mga kompaniya nga exempted sa maong balaod. Busa ayaw kabalaka kun ikaw mo-retire kay aduna kay madawat nga retirement pay sa imong kompaniya kay mandatory kini basi sa atong balaod. Thank you and God Bless. -- Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.