Ang sugilanon sa kinabuhi ni San Cipriano ug Santa Justina sa Nicomedia [1]

Unang bahin

Si San Cypriano usa ka ka pagano nga nagbansay og magika didto sa dapit sa Antioquia. Ginaingon nga duna siya’y kalambigitan sa mga demonyo nga naghatag kaniya og gahum sa paghimo og mga majika. Tinabangan sa mga demonyo iyang gipahamtangan og kadaut si Justina usa ka Kristiyano ug Birhen. Agig tubag sa pagbanhig nga yawan-on pinaagi sa timaan sa krus. Nahugno si Cypriano niining hitaboa. Sa kawalay kapaingnan iyang gihimo ang pagtimaan sa iyang kaugalingon sa timaan sa krus nga maoy hinungdan sa iyang hinanaling kalingkawasan.

Tinabangan sa grasya sa Dios, gidawat si Cypriano sa Simbahan, nahimong diyakono, pari ug sa katapusan nahimong obispo samtang si Justina nahimong pangulo sa usa sa mga kumbento niadtong panahona. Nakab-ot nila ang korona sa Martiryo panahon ni Emperador Diocletian. Gipunggotoan sila sa ulo didto sa Suba sa Gallus sa dapit sa Nicomedia niadtong Septiyembre 14, 258 C.E. Saulogon ang iyang pangilin Septiyembre 26.

Pag-ampo ni San Cyprian sa Nicomedia Obispo ug Martir Aron Mapanalipdan gikan sa Tanang Tunglo

Ginoong Jesukristo among Dios, ug Ginoo “Ipadayag Siya sa Dios sa tukmang panahon. Siya angDios nga dalaygon ug bugtong magbubuhat, ang hari sa mga hari, ug ang Ginoo sa mga ginoo.

Siya lamang ang walay kamatayon, ug nagpuyo sa kahayag nga dili maduol. Wala pa gyuy nakakita kaniya ug walay gayuy makakita kaniya. Ipahinungod kaniya ang dungog ug walay katapusang gahum. Amen. (1 Tim. 6:15-16), kaluy-i ako!

Imo untang gun-obon ang tanang gahum sa kaaway sa tanang dapit ug sa tanang suok diin ikaw ang naghari. Tangtangi sa gahum ang bisan unsang majika, gapusa sila ug hinginli ang mga yawa. Siloti ug patibulaaga ang tanang gahum sa kangitngit. Ang tanang lihok ni Satanas sa sulod man o sa gawas ug palingkawasa kami gikan sa tanang kinaiya nga gibabagan sa bisan unsang okulto. Aron mamahimong tin-aw ug lunsay ang mga panganod, ingon man ang mga yuta.

Magmabungahon ang tanang mga tanom, utanon, ingon man mohatag og mga prutas ang mga kahoy ingon man mamungingi sa daghang mga utanon ang mga yuta. Mahimong magmahimsog ang mga hayopan nga maghatag og gatas, karne alang sa tanan. Ang mga buyog mohatag og mga dugos. Ang tanang mga babaye manganak unta sa tumang kasayon ug kawalay kabilinggan. Ug ang tanang naglihok sa bisan unsang buluhaton sibo sa imong pagbuot ang maghimo niini uban ang kagawasan.