Ang pagpadayag sa mga demonyo diha sa eksorsismo

Pahinumdom:

Kining maong artikulo atong gikutlo gikan sa Libro nga sinulat ni Padre Winston Cabading, OP nga nag-ulohan: “CATHOLIC HANDBOOK OF PRAYERS FOR SPIRITUAL LIBERATION WITH REDACTORS NOTE pp. 350-352.

Mga matang sa demonyo

1. Demoni Aperti (Abli nga Demonyo) Mogawas nga daw mora'g normal lamang sila. Tingog gihapon sa pasyente ang atong madungog. Sa dayag nga paagi mahimong iyang samokon ang eksorsista ug nga ipagawas niya nga wala na kinahanglana ang mga pag-ampo sanglit mogawas man nga wala siya masudli og dautang Espiritu o ipagawas nga usa lamang ka psychological o psychiatric nga problema lamang ang tanan.

Apan ang tinuod mao nga ang biktima kun pasyente anaa na sa kahimtang sa trance. Kun magsugod na sa pag-ampo, mokatawa siya o mobugal bugal sa eksorsista.

Dili maayo nga motuo gyud dayon. Mas makatabang kun adunay pagahimoong pre-screening ug pagsusi sa biktima inabagan sa mga eksperto sama sa mga doctors, psychiatrists, ug psychologists. Kini aron maseguro kun ang suliran medical ba o dunay nagpahipi nga mga espirituhanong suliran kun problema. Aron mamahimong mas malangkubon ang pamaagi.

Pahimangno

Usahay dunay mga panahon nga mamahimong pintas ug sabaan ang pasyente labina kun magsugod na sa pag-ampo.

Busa gikinahanglan ang tabang sa uban aron makapugong. Human sa maong sesyon, mas maayo nga pangutan-on ang biktima kun may nahinumdoman ba siya. Ug kun ugaling wala, na, timaan kini nga dunay tinuod nga kaso sa nasudlan kun demonic possession.