Gustong idonar ang condo unit ngadto sa anak
Dear Atty. Divine,
Ang akong live-in partner nga usa ka langyaw adunay condo unit. Nakapangan kaniya ang title ug karon plano niya nga ihatag kini sa among anak nga usa ka minor de edad.
Ang akong pangutana kun mamahimo ba nga ma-transfer ang titulo sa maong condo unit bisan kun minor de edad ang hatagan? Daghang salamat.
Beth
* * *
Dear Beth,
Kinahanglan nga mo execute og Deed of Donation ang imong kapuyo alang sa condominium unit nga iyang ihatag sa inyong anak. Ang Deed of Donation nagkinahanglan og acceptance sa gihatagan niini apan tungod kay minor de edad pa ang imong anak, dili pa siya mamahimong makapirma og dokumento, busa ikaw isip inahan maoy mopirma sa acceptance sa Deed of Donation on behalf sa imong anak.
Kinahanglan nga adto kamo magpirmahanay atubangan sa notary public dungan sa pagpanotaryo sa dokumento.
Human niini, mamahimo na ninyong i-process ang pag-trasfer sa titulo pinaagi sa pagbayad sa Deed of Donation ngadto sa BIR aron ma-transfer ang tax declaration ug ang titulo niini. Thank you and God bless.
Atty. Divine
* * *
Alang sa inyong pangurana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
