Maputol ba ang pension kun mobalik sa pagtrabaho

Dear Atty. Divine,

Nagtrabaho ko sud na sa 25 ka tuig ug last year miretire nako sa edad nga 60 anyos. Nagdawat nako og binuwan nga pension sa Social Security System kon SSS. Karong bag-o gipatawag ko sa akong kanhi company ug ila kung gitanyagan nga patrabahuon pag-usab. Interesado ko sa maong offer kay gilaay nako nga naa ra sa balay og kuwang sab ang akong pension alang sa tambal og pagkaon. Ang akong pangutana, kun motrabaho ko og balik maputol ba ang akong pension sa SSS? Daghang Salamat. -- Peter

Dear Peter,

Basi sa Social Security Law of 1997 ang retirement benefits ihatag sa miembro sa SSS nga nakabayad og at least 120 monthly contributions before sa iyang pagretiro, ug kinahanglan nga miabot na sab siya og 60 anyos ug kining maong pension madawat kini sa miyembro during his lifetime or samtang buhi pa. Sa imo nga kaso, nagsugod ka na sa pagdawat sa imong pension. Apan ang SSS adunay katungod nga moputol sa imong pension kun ikaw motrabaho pagbalik kay wa pa man ka moabot sa compulsory age nga 65 years old. Basi sa paragraph c ) sa Section 12-B,id, sa maong balaod kini nagkanayon nga ang monthly pension  masuspenso kun makatrabaho pag-usab ang pensioner nga below 65 years old. Hinuon mabalik ra sab kining maong pension sa SSS kun mag-edad kana og 65 anyos og hingpit ka na nga moretiro. Thank you and God bless. -- Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong inyong pangutana pinaagi sa akong column matag Miyerkules, Sabado ug Domingo.