Alcover batok Baclayon

Part II

Nag andam usab ang CAD og dugang gamit sa pagpanguma sama sa liso, seedlings, abono og mga teknolohiya nga ilang mahatag ngadto sa mag-uuma human sa El Nino isip short term nga plano. Nakiglambigit na usab sya sa National Irrigation Administration alang sa pag hatag og tabang sa mga mag-uuma pinaagi sa irrigation line conservation.

Ila usab nga gi imbentaryo ang mga mag-uuma og ang ilang mga produkto aron maoy basihan sa paghatag og tabang sa pag abot sa El Nino. Naila na usab nila ang mga bukirang barangay nga dili kaayo maapektuhan sa El Nino og poyde nga makapadayon sa pagpananom og mga utanon isip kabahin sa ilang medium term plan.

Ang maong mga barangay gilangkuban sa Sudlon 1, Sudlon 2, Tabunan, Tagbao, Parte sa Lusaran, Adlaon og Budlaan. Kining maong mga barangay dili kaayo maapektuhan sa EL Nino tungod kay naa kini mga sapa og waterfalls nga maka sustiner  bisan pa og moabot  sa upat ka buwan ang El Nino.

Isugyot usab niya ngadto sa dakbayan ang pagkuha og tubig sa nahisgutang mga barangay aron maka tabang sa ubang barangay nga maapektuhan sa El Nino. Nag plano usab ang CAD sa pagpalambo sa maong mga tinugdan sa tubig isip kabahin sa ilang long term plan. Giila ni Baclayon ang pagka mahinungdanon sa role sa mga mag-uuma sa pagpaminos sa epekto sa El Nino.

Giawhag usab ni Baclayon ang mga mag-uuma sa pag patuman og maayo nga pag atiman sa yuta, crop rotation og diversifation ingon man sa dili pag sunog sa ilang mga organic waste product aron malikayan ang sunog. Iya usab gisugyot ang pagtanom og mga lagutmon nga wala manginahanglan og daghang tubig.

Kun nakadungog pa niining tanan si Konsehal Jun Alcover, dili sigoro nya tawgon si Joe Baclayon nga palpak sa iyang pag dumala sa City Agriculture Department.