Tawgon nga 'gentle dog'

Giuyonan ni Senate President Juan Miguel Zubiri ang hukom sa Committee on National Defense nga isalindot lang una ang promotion ni BGen Ranulfo Sevilla human mopadayag og pagsupak ang asawa sa naulahi sa iyang appointment tungod sa nahiaguman nga pisikal, pinansyal ug mental nga pang-abuso kaniya ug sa ilang mga anak. Kon tinuod ang pasangil sa asawa ngadto sa iyang bana, daw gikagiwan na si BGen Sevilla, sa hiyas nga pagka- officer and gentleman.   Sa pagka-abusado ni Sevilla, angay na siya tawgon nga  Gentle Dog.   Fezteleern!

Kanunay ng moda-ug

Giklaro sa PCSO nga sayop ang pamahayag ni Senador Raffy Tulfo nga adunay nakadaug sa lottery sa 20 ka higayon.  Matud sa PCSO, ang maong mananaug mipusta sa digit games sama sa EZ2, Swer Tres, 4D Lotto ug 6D Lotto ug dili sa mga jackpot bearing nga dula sama sa Lotto 6/42, Mega Lotto6/45, Super Lotto 6/49 ug uban pa.  Makapahinumdum ang pasangil ni Tulfo sa lalaki nga pwerte ka hinaug. Miapil siya sa raffles sa kapilya, daug; mipalit siya og masyaw, daug; mipalit ug Swertres, daug; ug sa dihang naminyo na ang maong lalaki,  daug  gihapon (sa asawa).  Pagkatoytoy!

Kulang ang tubig

Segun sa usa ka opisyal sa MCWD, mikunhod ang supply sa tubig tungod sa nagpadayon nga El Nino phenomenon.  Nahimong sayon ug konbeniyente nga pasumangil ang El Nino sa kakulang sa tubig. Apan ang kamatuoran mao nga bisan wala pa y El Nino kulang ang naproduce sa MCWD kon itandi sa aktuwal nga panginahanglan nga 600,000 metro cubico nga tubig matag adlaw. Ni ng kakulang sa suplay sa tubig, ato na lang hupayon ang atong kalagot ug kahingawa pinaagi sa pagya nga, Sa Bino, anaa ang Kaalam; sa Beer, anaa ang Kagawasan; ug sa Tubig, anaa ang Bacteria. Madahaan!

Pangulohan ni aquaman

Alang kang Senador Imee Marcos, karon na ang hustong panahon nga umolon ang usa ka ahensya nga pagatawgon og  Department of Water, nga moatiman sa sektor sa tubig, tungod sa padayon nga hulga sa El Nino.  Matud sa senador, adunay kapin sa 40 ka ahensya nga nag-atiman sa tubig apan makapahibulong ngano nga kulang ang tubig nga moabot sa balay sa mga konsumidor. Mora g tinuod ang panultihon nga, Daghan kusinero, makapan-os hinoon sa sabaw .  Kon madayon ang pag-umol sa Department of Water, sugyot sa akong amigo nga paga-pangulohan kini ni  Aquaman.   Hala no!

Pangandak sa nda

Matud pa sa opisyal sa National Dairy Administration (NDA), misaka na ang atong local milk production ug mikunhod na usab ang atong milk importation.  Gipangandak sa NDA ang pagkunhod sa milk importation bisan mi-us-us lang kini gikan sa 99% sa miaging tuig, ngadto sa 98% karong tuiga. Gipanghimakak usab dayon sa Philippine Chamber of Agriculture and Food, Inc. ang pangangkon sa NDA nga misaka ang milk production.  Mora g mas katuohan ang gisangyaw sa PCAFI kay sa gipangandak NDA.  Ni ng kakulang sa suplay sa gatas, mas maayo tingale motabang ang NDA sa pagsangyaw sa slogan nga  Breast milk is still best for babies.   Muleeng!