Slain in the Spirit II

Tungod kay ang tawo dali ra kaayo mahaylo sa bisan unsang misteryoso ug gamhanan dunay dakong purohan nga mangandoy pud siya niini aron sa ingon mamahimo siyang lahi gikan sa kadaghanan.

Usahay makadani ang bisan unsang dili hisabtan sa mga tawo nga wala matarong og tudlo. Kun tudloan man gani, magdumili pud pagdawat. Lisud tudloan ang hunahuna nga sirado na gyud kaayo.

Ang pagpandong og kamot usa man ka ministerial act nga nakadawat og dayag nga mandato sa ordinaryo. Mao nga ang kaparian gyud unta mainiton ug dasig gyud unta nga hatagan sa panginahanglang sacramental ang panon nga nagkinahanglan niini bisan pa man kun malisud financially.

Sa akong Parokya, dili gyud babag ang kakabus aron dili makasal o mamisahan ang patay o mabunyagan ang walay bunyag.

Dunay mga pangilin nga gihimong mass wedding, free baptism ug uban pa. tumong niini nga ipahigmata sa mga tawo nga mahinungdanon ang mga sakramento alang sa kaluwasan.

Sa laing bahin, ang pagpandong sa kamot o laying of hands mahimo lamang ni bisan kinsa nga dunay spiritual authority ngadto sa iyang gipandongan sa iyang kamot.

Sama pananglit sa ginikanan ngadto sa iyang mga anak. Mao na kinahanglanong magbinantayon ug mamalandong kita sa dili pa nato Itugyan ang atong kaugalingon sa bisan unsang ritual.

Ang preconditioning nga gihimo aron masinati ang gitinguhang glossolalia ug ang kasinatan sa slain in the spirit.

Maayo unta kun mo pokus kita sa bisan unsang masabtan ug bisan unsang matugkad sa yanong hunahuna ug pagbati aron ang Dios mamahimong mas suod sa atong kinabuhi.

Tinuod dunay natampo ang CCRM sa kausaban ug pagkakabig sa tawo apan angayan natong hunahunaon nga mas mahinungdanon ang sacramental nga kinabuhi nga gawas nakahatag og kahimsog sa atong espirituhanong kinabuhi, ingon man ang kinabuhi sa atong simbahan.

Dugang pa, ang hagit alang kanatong tanan mao nga pinaagi sa mga sakramento the more unta kitang mamahimong sama sa atong gidawat.