Nagmalampuson ba kita sa kinabuhi?

Dugay-dugay na man kita niining kinabuhia, labi na kadtong nilapas nag daku sa 60 ang edad, makapangutana kita sa atong kaugalingon, kon nag-unsa kita dinhi niining kalibutana, kon unsay atong mga accomplisments (gawas sa pagpa-dato sa kaugalingon), kon wala ba kitay gisamaran nga kasingkasing, ug kon nagmalampuson?

Gikan sa akong mga clippings, akong nakuykoyan (ni Leo pa) ang usa ka 2002 article giulohan “Success is about what money can’t buy,” ni Matthew Yngson. Sa ato pa, ang paglampos dili kabayran uo salapi. Meaning, mahimo nga magmalipayon ug magmalampuson kita, nga dili kinahanglan mo-gasto or mo-loan sa bangko uban sa tagaliog ug walay kukaluoy nga interest. 

Unsa man gayud kining giingon nga ‘price?’ “Price is the value of something. If you follow theories, this simply means everything has a price. Or even everyone for that matter.” Sa ato pa, lagmit ikaw ug ako, adunay presyo.

Sa kaulohan, up there, nabaniog na ang mga huhongihong nga sige na ang binayranay didto.  Tagpila kaha no, kon tinuod man?

Hahinumdom nga matag eleksiyon, mo-baha ang kwarta, nga moingon dayon kita nga “Happy days are here again,”uban sa pagka-iresponsable sa pipila natong mga botante, ug too much politics.

Anyway, kon ang tanan adunay price, kanus-a man mahimong pricelass ang butang nga dili mabayran og salapi, o dili mapalit?

Ania: “We all have our own definitions of priceless, but generally, it is something we cannot buy. The cost or value of something priceless cannot be expressed in monetary terms.” Klaro? Mabaligya o mabayran ba ang tiunay nga kalipay? Dili ang matang sa kalipay nga pinaspasan, kalipay nga dinuhigan  sa korupsiyon.

Dili nato ka-prisyohan ang mga pahiyom sa imong silingan. “Priceless are the smiles of people. “Priceless are their tears as well. You cannot measure the cost of the hurt that people suffer.”

Dili nato masukod, dili kaprisyohan ang kalipay ug kasub-anan. So, dili diay for sale ang tanang butang(ang tawo diay?)

Padayon: “Priceless, for me are the smile of people I have helped (ikaw, duna ka bay natabangan, tingalig nagpatanto na hinuon - ams). Not everything has a price. Some things are priceless because their value cannot be quantified.”

Imong higala, dili kaayo suod, nagpatabang kanimo, imong gitabangan, wala siya magdahom niini. Daku ang iyang pasalamat ug kalipay. Dili masukod ang iyang pasalamat ug kalipay, ug kini nakapalipay usab kanimo.     

Matud ni Yngson: “I always believe success is not measured by how many cars you have, how many buildings or houses (ang uban, mansion gyud - ams) you own, or how many (land) titles you have.”

Nakapagawas ka ba og daghang kwarta aron ma-successful? “What matters most is how many people you have touched and blessed with your friendship, guidance and strength. When people you’ve met along the way, remember you, that is priceless.”

Sa ka-dugay na natong pagka-senior citizen, was there a time nga nakatandog ug nakapalipay ba kita og kita’g laing kinabuhi, nga alang kanimo, nagmalampuson ka, for free?   

Hinumdomi: “Success is about what money can’t buy.”