Gustong bakwion ang resignation

Dear Atty. Divine,

Nagtrabaho ko sa usa ka kompaniya for 10 years ug nag-submit nako og resignation letter last month. Mo-epekto ang akong resignation karong katapusan apan wa pa ko kadawat og approval sa among employer. Nausab ang akong huna-huna, mamahimo ba nga akong bakwi-on ang akong resignation? Unsay angayan nako nga buhaton? Daghang salamat. -- Malou

Dear Malou,

Basi sa atong Labor Code sa Article 285, ang empleyado mamahimo nga mo-resign sa iyang trabaho bisan kun wa kini igong rason provided nga mohatag kini og dili mominus 30 ka adlaw nga notisya sa iyang employer aron siya dili mamahimong liable for damages. Apan kun ang empleyado naka-submit na og resignation ug gidawat na sa employer ang iyang resignation letter, dili na kini mamahimong bakwi-on pa sa empliyado ang maong resignation gawas lang kun mosugot ang employer ug ibalik siya sa pwesto. Ang Korte Suprema aduna nay gipagawas nga desisyon kalabot niini sa Philippines Today, Inc. vs. National Labor Relations Commission (G.R. No. 112965, January 30, 1997) kini nagkanayon : “The court ruled against the employee. It held that resignations, once accepted, may not be withdrawn without the consent of the employer. If the employer accepts the withdrawal, the employee retains his job. If the employer does not, the employee cannot claim illegal dismissal.” Busa ang maayo nimong buhaton karon mao ang pagpakigsulti sa imong employer kun mamahimo ba nga imong bakwi-on ang imong resignation ug mopadayon ka sa pagtrabaho sa maong kompaniya. Thank you and God Bless!

Atty. Divine

Alang sa inyong pangutana, palihug lang sa pag email sa [email protected]  ug akong tubagon ang inyong pangutana pinaagi sa akong column matag Miyerkules, Sabado ug Domingo.