Unsay ipakita nga dokumento kun ibiyahe sa gawas ang minor-de edad

Dear Atty. Divine,

Duna koy pangutana labot sa akong anak nga illegitimate. Ako ang nag custody sa bata og karon 10 anyos na. Naminyo ko og usa ka foreigner ug na-aprobahan na ang among visa ug sa sunod buwan molarga na kami padung sa gawas kuyog sa akong anak. Ang akong pangutana kun unsa may dokumento nga angayan nakong andamon alang sa akong anak aron di mi ma question sa immigration? Daghang salamat

Judy

* * *

Dear Judy,

Gawas sa iyang passport, visa ug birth certificate to prove nga imo siyang anak, kinahanglan nga andamon sab nimo ang Affidavit of Consent gikan sa biological father sa bata nga nagtugot sa imong anak nga mobiyahe ngadto sa gawas sa nasud. Importante kaayo ni nga dokumento kay ang mga nasud estrikto kaayo ilabi na mibyahe ang bata nga ang inahan ra ang kauban ug dili kuyog ang amahan.  Apan kun pananglit wa ka na masayud sa nahimutangan sa amahan ug di na siya nimo makontak, mamahimo ka nga moadto sa DSWD ug mangayo og certification nga ikaw ang adunay sole custody sa imong anak nga usa ka illegitimate. Thank you and God Bless.

Atty. Divine

* * *