Visitation right sa amahan

Dear Atty. Divine,

Duna koy illegitimate child sa akong kanhi partner.  Nagsuporta ko sa bata kay ako man gyud ni nga gi acknowledge.  Matag buwan  nagpadala ko para sa gatas, vitamins og uban pang need sa bata. Naa ko nagtrabaho sa Cebu og ang bata atua sa iyang inahan sa laing probinsya. Karong bag-o mihangyo ko sa inahan sa bata nga akong kuhaon ang akong anak aron akong isuroy diri sa Cebu bisan og one week lang. Wa mosugot ang inahan. Ako giingnan nga kuyugan lang niya ang bata apan di gyud siya mosugot. Wa ba diay koy katungod sa among anak? Unsay  angay akong buhaton? Daghang salamat. -- Ronnie

* * *

Dear Ronnie,

Basi sa atong balaod,  isip amahan sa bata, aduna gyud kay katungod nga mobisita o makig-uban sa imong anak, og way rason nga hikawan ka sa maong katungod ilabi na nga regular kang nagsuporta  sa bata.

Ang maayo nimong buhaton mao ang paghangyo gyud sa inahan sa bata og  pasabta siya nga basi sa balaod ang usa ka amahan adunay visitation rights sa bata. Kung di gyud siya mosugot, mamahimo nga magpatabang ka sa DSWD alang sa imong problema aron ma settle mo og pwede sab ka magpatabang  sa barangay. Kon di gyud mo mahusay then modangop gyud ka sa korte aron imong pangayuon ang imong katungod basi sa balaod nga makabisita og makig-uban sa imong anak. Thank you and God bless! -- Atty. Divine

* * *

Alang sa inyong pangutana, palihug lang sa pag email sa [email protected]  og akong tubagon ang inyong pangutana pinaagi sa akong column matag Miyerkules, Sabado og Domingo.