Mga imahen ug larawan sa mga santos nga gigamit sa dautang katuyoan

Nagtuo ta basta nga dunay mga larawan sa mga santos kini gikan na gyud sa Ginoo.

Alang sa kasayuran bisan gani ang mga Imahen sa mga Santos mamahimong pagahugpaan usab sa impluwensiya sa mga dautang Espiritu kun mamahimong infested usab.

Unsay angayang buhaton?

1. Una, ayaw pataka og dawat og mga imahen gikan sa mga tawo nga wala nimo hiilhi.

2. Ingon nga mga pari kinahanglang tarungon og bendisyon ang matag imahen o rebulto.

3. Ang mga imahen nga gigamit sa dili maayong tinguha kinahanglang I exorcized sa dili pa kini sunogon o dugmokon.

4. Ayaw pagdawat og imahen kun mga objects of devotion gikan sa mga nagbansay og sorcery.

Ning atong panahon karon daghan kaayong mga kabuang nga gipanghimo labina gyud sa pag contaminate sa kalunsay sa atong pagtuo ug debosyon. Dili pa lang dugay dunay AI-generated nga advertisement nga nigamit pa gyud sa ngalan sa atong talahurong arsobispo nga nag-endorsar kuno niadtong “Hubo nga Batang Jesus” ug gibendisyonan pa didto sa Basilica.

Usa ka dakong binuang. Tinonto gyud kaayo. Mao nga dili gyud dayon motuo.

Ang mga larawan makatabang kanato aron mas ma-internalize ang pag-ampo apan wala kini magpasabot nga ato silang gisimba sanglit ang maong buhat alang ug haom lamang sa Dios.

Busa magbinantayon kita kay usahay ang demonyo makahimo pag peke og mga milagro.