Bouncing check

Dear Atty. Divine:

Ang akong bana giutangan sa iyang amiga og P150,000.00. Misugot siya kay ipuhunan daw sa  negosyo sa iyang amigo .

Mipasalig ang nangutang sa akong bana nga bayran dayon ang utang after a month og mi issue siya og postdated check ngadto sa  akong bana. Gipapirma sab sa,akong bana og promissory note ang iyang amigo.

Karon pagpa  encash sa akong vana sa tseke miuntol man kay way pundo. Iyang gitawgan iyang amigo apan di na makontak. Unsay angayng buhaton  ni bana aron makolekta niya  ang maong utang? Daghang salamat. — Faith

* * *

Dear Faith,

Ang unang buhaton sa imong bana mao ang pagpadala og demand letter sa iyang amigo pag-settle sa iyang utang human miuntol ang tseke nga iyang gi issue. Kun dili gihapon kini mobayad, mamahimong mo file ang imong bana og kasong kalapasan sa BP 22 batok sa iyang amigo.

Usa kini ka criminal offense busa mamahimong  mapriso ang iyang amigo  kun mapamatud-an. Mamahimo sab nga Civil case  lang ang ipasaka sa imong bana kun ang gusto niya mabayran lang sa utang.

Mo file siya og kaso  ubos sa small claim case ngadto sa MTC og mas paspas ang proseso niini og di na sab siya magkinahanglan og abogado. Thank you and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.