Miuntol ang tseke

Dear Atty. Divine,

Ang akong amiga nangutang nako og P100,000.00. Misugot ko kay ipuhunan daw sa  negosyo sa akong amiga. Mipasalig ang nangutang nako nga bayran dayon ang utang after 5 months ug mi issue siya  og  post dated check. Gipapirma sab nako siya og promissory note.

Karon pagpa en cash nako  sa tseke miuntol man kay way pundo. Akong gitawgan akong amiga apan di na makontak.

Unsay angay nako nga buhaton aron makolekta nako ang iyang utang? Daghang salamat.

Luz

* * *

Dear Luz,

Ang unang buhaton nimo mao ang pagpadala og demand letter sa imong amiga pag-settle sa iyang utang human miuntol ang tseke nga iyang gi issue.

Kun dili gihapon kini mobayad, mamahimong mo file ka og kasong kalapasan sa BP 22 batok sa nangutang nimo.

Usa kini ka criminal offense busa mamahimong mapriso ang imong amiga kun mapamatud-an. Mamahimo sab nga civil case  lang ang ipasaka nimo kun ang gusto nimo mabayran lang sa utang.

Adto kini i-file  ubos sa small claim case ngadto sa MTC kay mas paspas ang proseso niini ug di na sab siya magkinahanglan og abogado. Thank you and God bless. — Atty. Divine

* * *

Alang sa inyong pangutana, palihug kang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.