Puasa

Pinasikad sa Lukas 5;33-39

Nagkadaiya ang rason kun ngano ang tawo magpuasa. Kini naglangkob ning mosunod:

1. Sa physical nga bahin gikinahanglan kini alang sa pag detoxify sa lawas.

Kinahanglanon usab kini labina sa mga higayon nga kinahanglan ang pag check up sa lawas labina kun may gihambin kining balatian.

2. Sa espirituhanong bahin ang tawo magpuasa tungod kay:

a. Buot siyang mangayo og  pasaylo sa mga sala nga iyang nahimo.

Sama pananglit sa gihimo ni David sa dihang giingnan siya ni propeta Matan nga nasuko ang Dios sa iyang gibuhat nga pag-ilog sa asawa ni Urias ang Hetihanon.

Ang mga tawo sa Ninive nagpuasa aron pagpakita sa ilang paghinulsol human sila makadungog sa wali ni Jonas.

Tuod man, nausab ang hukom sa Dios ngadto kanila. Wala sila siloti.

b. Buot ipakita nga seryoso ang tawo sa iyang gipangayo ngadto sa Dios. Usahay man gud dili ta makaampo og tarong labina kun puno ra kaayo ang atong tiyan.

Sa laing bahin, ang atong panaw sa pagtuo nagkinahanglan gyud og paghingpit sa kaugalingon. Kabahin ang puasa ning maong balansayon.

Dili lang ni mahitungod sa paglikay sa pagkaon kondili ang pagpitol usab sa atong lawasnong kahilig. Usahay ang kahinam ug kalami maoy nihari kanato, unta dili nato kini himoong sukaranan sa pagpatuyang na lang gyud sa hingpit.

Kay dili baya tanang kahinam magdala kanato sa kaluwasan ug kinabuhi. Ang uban kanila magdala kanato sa kamatayon