Gustong maneguro kun siya ba gyuy amahan

Dear Atty. Divine:

Nakadawat ko og demand letter gikan sa akong ex-girlfriend asking me to support our child. Nakurat ko sa iyang letter kay nagbuwag mi last year  og wa man siya mosulti nako nga buntis  siya pagbuwag namo. Wa ko mo-reply sa iyang letter  kay gusto sad ko maniguro daan kun ako ba gyud nang anak before ko mosuporta. Unsa may angayan nako nga buhaton? Daghang salamat. —  Ricky

* * *

Dear Ricky:

Basi sa balaod ang bata bisan kun kini illegitimate entitled kini og suporta gikan sa amahan. Sa ato pa, obligado ang amahan nga mosuporta sa anak kun gi acknowledge sa papa ang bata. Sa imo nga kaso, wa pa nimo gi acknowledge ang bata kay gusto nimong masiguro kun imo ba gyud ning anak. Ang maayo nimong  buhaton mao ang pagpa DNA uban sa bata aron imong mahibaw-an kun ikaw ba gyud ang amahan niini, kun makompirmar sa DNA nga ikaw ang papa then that’s the time nga imong i-acknowledge ang bata ug imo kining suportahan. Sultihi lang ang inahan sa bata nga sa dili pa ikaw mohatag og suporta sa bata gusto ka nga magpa DNA mong duha sa bata aron pagtino kun ikaw ba gyud ang amahan niini. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.