Ang tumong sa katigayonan

Daghan nato ang buot mamahimong dato diha sa kadaghanan.

Mao nga daghan nato ang naningkamot gyud taman sa ginhawa sa pamasin nga makapundo kita alang sa umaabot ug alang sa atong seguridad sa panahon nga kita matiguwang na.

Matud pa nga niadtong bata pa kita gigamit nato ang atong kabaskog diha sa pagpangita sa atong bahandi apan sa dihang kita edaran na atong gigamit ang atong bahandi sa pagpangita sa atong kabaskog. Ingon ana ra gyud tuod ang kinabuhi.

 kapuslanan sa atong pagkugi kun bisan gani ang mga tawo nga imong gikugihan wala man gani pagpakabana alang niini. Lisud apan maoy tinuod.

Bisan pa man niini, angayan natong huptan ang pagpangankon nga dinhi sa kalibutan anaa kining mosunod:

1.  Dunay pag-antos. Dili garantiya ang daghang bahandi nga mawala ang pag-antos. Padayon gihapon nga kaluhaan kita sa pag-antos.

2. Dunay hinungdan ang pag-antos ug kini ang pagtuo nga ang kinabuhi kinaugalingon lamang.

3. Mahimong mahanaw ang pag-antos kun positibo ka nga mahitabo kini.

4. Ang bugtong paagi sa paghanaw niini mao man ang pagpuyo sa balance nga kinabuhi. Dili sobra ug dili kulang.

Busa ang bahandi mahimong gamiton dili lang alang sa kaugalingon kondili aron paghimo sa daghang mga tawo nga bulahan ug mamahimong magmabungahong mga tawo usab alang sa katilingban.