Duaw sa lubong sa dili pa ang October 29 o tapus sa November 4

Niini nga paagi, kalikayan ang paghuot sa minteryo kay lagi tak-upan man man ang mga minteryo sa tibuok nasud, sumala sa gibut-an sa IATF kon Inter-Agency Task Force. Hinaut nga dili sad magdungan ang tanan sa petsa Oct 28 o sa Nov 5. 

Ang maayo within the week before Oct. 29. Siyaro magkadungan ang mga hunahuna sa buot moduaw sa minteryo. Sa akong hunahuna, ang epekto niini ngadto sa mga patay ug sa mga santos, pareha ra nga miduaw kita kanila sa Nov.1 ug 2.

Ang mahinungdanon dinhi mao ang pag-ampo, pakapin na lang nang pagdagkot og kandela ug paghalad og mga bulak.

Ambut kon duna bay epketo ngadto sa atong mga minahal sa kinabuhi ug sa mga Santos ang atong pagkumbira ug paghuboghubog sulod sa minteryo.

Anyway,  ang IATF miluwat og sa Resolution No. 71 nga nagdili sa katawhan pag-observe sa traditional nga All Saints’ Day ug All Souls’ Day, kini gumikan sa atong kahimtang karon.

Ang kamandoan nga gitiman-an nila ni Health Secretary Francisco Duque ug Cabinet  Secretary Karlo Nograles, co-chairpersons sa IATF nagkanayon: “All private and public cemeteries, and memorial parks, including columbariums and the like throughout the country shall be closed to visitors from October 29 to Nov. 4.

“Provided, that, the Omnibus Guidelines on the Implementation of Community Quarantine shall continue to govern burial and cremation activities during the said period.”

So, klaro. Akong usbon, moduaw kita sa mga minteryo sa dili pa ang Okt. 29, o tapus sa Nov. 4. Apan gilimitihan ang gidaghanon sa moduaw, “30 percent maximum of the capacity of the venue.”

Sayo niini si Mayor Edgardo C. Labella mi-issue usab og Executive Order nga magpatak-up sa mga sam-ang pribado ug publiko sa dakbayan sa maong mga petsa.

* * *

Aron masanta kining dugay na kaayong suliran sa atong nasud, kining kuskos balungos o red tape sa mga buhatan sa gobyerno, diin sa paglukat nimog business permit, pananglitan, alang sa imong gamay nga karenderia, pabalik-balikon ka sa makadaghan una nimo makuha ang permit, namugna ang Ease of Doing Business Law.

Literally, atong masabot nga maoy tuyo sa moang balaud aron madali ang imong pagpakig-transact uban sa mga buhatan sa gobyerno.

Ug mao kini ang gibalikbalik ni Presidente Digong Duterte nga iyang sumpoon ang red tape sa pangagamhanan.

Hapit na lang mapupos ang termino sa Presidente, nagpabilin gihapon ang red tape. Bisan ang pag-secure og Barangay clearance, dili kini madalidali.

Gumikan niini, kining headline sa Philippine Star: “Senators to give Duterte authority vs red tape.” Kini, sa dili kinahanglan nga i-amendar ang Ease of Doing Business Law.

Maayo unta og tinud-on na gayud sa Presidente. Matud ni Senate Presidente Vicente Sotto:

“We will give the President authority to change the system itself. We can do that through a law, without necessarily amending the Ease of Doing Business.”

Sayo niini, si Duterte mipadayag sa iyang frustrations over the implementation of the Ease of Doing Business law and the function of the Anti-Red Tape Authority (ARTA).