Gihimong sari-sari store ang giabangan

Dear Atty. Divine,

Naa koy giabangan nga balay sud na sa lima ka tuig. Mao ni ang among gipuy-an sa akong pamilya. Apan sukad niadtong Marso nawad-an ko og trabaho tungod sa coronavirus busa nakahuna-huna ko sa paghimong sari sari store sa ubos nga bahin sa akong giabangan. Ang akong pangutana kun makonsiderar ba ning violation sa among kontrata ang pag-convert  nako sa ground floor isip sari-sari store? Kay ang nalatid sa among kontrata nga gamiton lang namo kini isip pinuy-anan? Daghang salamat. —Joey

Dear Joey,

Kun nalatid sa inyong Contract of Lease nga ang imong gi-abangang balay gamiton lang isip pinuy-anan then usa ka kalapasan niini ang pagconvert nimo sa ground floor isip sari-sari store . Basi sa Article  1673 , par. 3 and 4 sa New Civil Code mamahimong kabasihan sa pag eject sa nag abang ang maong violation. Apan mamahimo hinuon nga mohangyo ka sa tag-iya sa imong giabangan nga tugutan kang makapaninda sa ground floor sa imong gipuy-an or pwede sab nimo nga huwaton nga moreklamo siya og kun mahitabo kini imo siyang hangyoon og posible nga mosugot siya niini taliwala sa kalisud nga atong nasinati karon. Thanks and God bless. —Atty. Divine

* * *

Alang sa inyong pangutana,  palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.