Unsay madawat sa empliyado nga mo-resign
Dear Atty. Divine,
Nagtrabaho ko sa usa ka kompaniya sud na sa tulo ka tuig. Nagplano ko nga mo-resign para mangita og laing opportunity. Ang akong pangutana kun makadawat ba ko og separation pay og 13th month pay kun mo-resign ko this month?.Daghang salamat.
Janet
* * *
Dear Janet,
Dili obligado ang imong employer paghatag kanimo og separation pay kon ikaw boluntaryo nga moresign.
Bisan pa kun ikaw tulo ka tuig na nga nagtrabaho sa maong kompaniya. Hinuon dunay ubang kompaniya nga boluntaryong mohatag og pabawon sa ilang employee nga mo-resign apan depende ra gyud kini sa employer kay way balaod nga naghimong mandatory sa paghatag og pabawon sa employee nga mo-resign.
Apan entiled ka og 13th month pay kay mao nay mandatory basi sa balaod.
Ang amount sa 13th pay nga imong madawat magdepende kun pila ka buwan ka nga naakaserbisyo sa kompaniya karong tuiga.Mas maayo sad nga imo nalang tiwason karong tuiga aron tibuok gyud ang 13th month pay nga imong madawat. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
