Gipahamtangan og 24% nga interest rate matag tuig sa supplier
Dear Atty. Divine,
Duna koy gamay nga negosyo og ang akong supplier mopautang nako og stocks but with interest nga 2 percent per month or 24 % per annum. Dugay na ni nako siyang supplier ug kaniadto 12% per annum lang ang iyang interest. Ang akong pangutana kun kining 24% nga interest per year dili ba ni siya illegal or sobra ra? Daghang salamat.
Rosario,
* * *
Dear Rosario,
Kun duna moy pinirmahan nga kasabutan labot sa 24% nga interest sa imong utang matag tuig then binding kana kaninyong duha ug dili kana makonsiderar nga illegal . Ang 24% nga interest per annum or 2% per month dili sab kana makonsiderar nga excessive or unconscionable basi sa mga nahaunang desisyon sa Korte Suprema nga diin ang labing uwahing desisyon nga gipagawas niadto lang Agusto 28, 2019 sa kaso sa Lara’s Gifts and Decors, Inc. vs. Midtown Industrial Sales, Inc. et al., ang Korte Suprema nagkanayon nga ang 24% nga interest rate nga giuyunan sa parties dili matawag nga excessive busa binding kini between parties. Buot ipasabot nga kanang inyong giuyunan nga 24% intetest sa imong supplier dili kana questionable kun duna moy kasabutan niini. Thanks and God Bless
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
