Si Marta, Si Maria, ug ang Kinabuhi

Suod nga higala ni Jesus ang mga managsuon nga sila si Marta ug Maria. Gani  matud pa, magduawan si Jesus didto ug makighugoy hugoy kanila. Segun sa naandan si Jesus niduaw kanila.

Natural lamang nga si Marta ingon nga tagbalay ang nipasayon sa tanan alang kang Jesus. Tingali nag-andam siya sa iyang kahigdaan, nagluto sa iyang makaon ug buot nga ihatag kun unsay maayo alang kaniya.

Samtang si Maria anaa lamang sa tiilan ni Jesus naminaw sa iyang mga pagtulon-an ug tingali kaha nangutana o motubag sa mga pangutana sa magtutudlo.

Butang nga nakapaampa kang Marta apan gibuyag siya ni Jesus nga dili maghunahuna og sama niana kay silang duha (Marta ug Maria) ang naghimo lamang sa ilang katungdanan dili man sab maayo nga kun dunay bisita ato lang biyaan ug pasagdan. Mahinungdanon kaayo ang presensiya dili ba?

Si Marta ug kita

Daghan kanato ang banga kaayo sa daghang mga buluhaton. Hangtud nga wala na gyud tay pahuway. Bisan man ako sa akong tinguha nga makahimo og kaayohan sa uban ang nahikalimot man lang sa akong kaugalingong vulnerability. Very heroic ang giingon ni Jose Maria Escriva:

“Ang matag pari way katungod kondili katungdanan lamang!” Nindot paminawon apan tingali dili kaayo epektibo labina kun mamahimong mabutang sa kakuyaw ang imong kaugalingong well being.

Mao nga maningkamot ko nga mopahuway gyud tawon kay mag-unsa man nang maghunahuna ta sa kaugmaon sa uban apan kita mismo ang dili na kaugmaan.

Daghan nato ang buot magpakahilom lamang, maminaw lamang dili tungod kay wa kitay mahimo kondili tungod kay buot natong tun-an ug suhiron ang mga panghitabo sa atong palibot.

Mahinungdanon ang panahon diha sa kukabildohay ug mahinungdanon ang panahon diha sa pagpaambitay.

Alang sa uban usa kini ka mahinungdanong paglig-on sa atong kaugalingong enerhiya sa pagpamuhat inay sa paggamit niini sa way igong pagpakabana sa kahimsog.

Ang kinabuhi

Sa atong panaw sa kinabuhi ato untang hatagan og igong gibug-aton ang kamatuoran n ga dili sa tanang higayon ang paglihok og daghang mga buhat ang makapahimo nimong mabungahon kay bisan gani ang pagpahuway gikinahanglanon man aron kita makabunga og mga maayong bunga alang sa atong kaayohan ug kaayohan sa uban.

Hinaut pa unta….A balance life is a healthy life.